Óska eftir skýringum á framúrkeyrslu

Ákveðið hefur verið að kalla fulltrúa ráðuneytanna og Alþingis á fund fjárlaganefndar í næstu viku til að skýra út af hverju stofnanirnar hafa farið fram úr fjárheimildum sínum.

Þetta kom fram í kvöldfréttum Ríkisútvarpsins.

Framúrkeyrsla nokkurra stofnana, samkvæmt sex mánaða uppgjör á fjárreiðum ríkissjóðs, kemur Vígdísi Hauksdóttur, formanni fjárlaganefndar, á óvart en í samtali við Ríkisútvarpið sagði hún tíðindin vera mikil vonbrigði.

„Við ætlum að grípa til þess að funda í fjárlaganefnd í næstu viku og fá til okkar ráðuneytin sem koma til með að útskýra þetta fyrir okkur, hvers vegna þessar stofnanir eru að fara fram úr fjárheimildum,“ sagði Vigdís. Í kjölfarið yrði það síðan metið hvort skýringarnar væru fullnægjandi. Séu þær það ekki, þá verða fulltrúar stofnanana sjálfra, þ.e. þeirra sem fara fram úr fjárheimildum, kallaðir til.

• 2 blogg um fréttina

Bloggað um fréttina

• Óðinn Þórisson: Ábyrg og halllaus fjárlög
• Jón Ingi Cæsarsson: Óraunhæf fjárlög ?