Ríkislögreglustjóri hefur í samráði við lögreglustjórana á Hvolsvelli og Húsavík ákveðið að lýsa yfir óvissustigi vegna jarðhræringa í Bárðarbungu á Vatnajökli.

Frá því í nótt hefur verið viðvarandi jarðskjálftahrina í Bárðarbungu sem stendur enn yfir. Jarðvísindamenn og viðbragðsaðilar hafa verið upplýstir og fylgjast vel með framvindu mála, að því er segir í tilkynningu.

Óvissustig almannavarna þýðir að aukið eftirlit er haft með atburðarrás sem á síðari stigum gæti leitt til þess að heilsu og öryggi fólks, umhverfis eða byggðar verði ógnað. Að lýsa yfir óvissustigi er hluti af verkferlum í skipulagi almannavarna til að tryggja formleg samskipti og upplýsingagjöf á milli viðbragðsaðila.

Frétt mbl.is: Skjálftahrina við Bárðabungu

Tengdar fréttir

Bárðarbunga

Skjálftinn reyndist enn stærri en talið var

• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu
• Glóandi dreki og land í bláu skini

» Fleiri tengdar fréttir

• 1 blogg um fréttina

Bloggað um fréttina

• Haraldur Haraldsson: Óvissustig vegna Bárðarbungu //Þetta boðar eitthvað meira?????