Engin merki eru um að eldgos sé hafið við Bárðarbungu samkvæmt upplýsingum frá Veðurstofu Íslands en tekið fram að ekki sé hægt að útiloka að atburðarásin sem sé í gangi leiði til eldgoss undir Vatnajökli eða undan honum.

Fram kemur að jarðskjálftahrinan sem hófst um klukkan þrjú aðfararnótt laugardags sé enn í gangi en virknin hafi  færst til og sé nú í tveimur þyrpingum, norðan og austan við Bárðarbungu. Vísindamenn telji að virknin orsakist af innskotavirkni kviku í jarðskorpunni. Þá segir að gos undir jökli geti leitt til flóða i ám sem renna frá honum. Vísindamenn og Almannavarnir fylgist vel með ástandinu og óvissustig sé enn í gildi.

Tengdar fréttir

Bárðarbunga

Vatnajökull skelfur

• Nema landris umhverfis öflugustu eldstöð landsins
• Virknin ekki meiri síðan í stærsta gosi síðari alda
• Skjálftinn reyndist vera 5,1 að stærð
• Snarpur jarðskjálfti í Bárðarbunguöskju

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Aukinn órói á þessu svæði. Misvísandi myndir.