Tugir vilja vinna fyrir Bjarta framtíð

Fimmtíu og fjórar umsóknir bárust um stöðu framkvæmdastjóra Bjartrar framtíðar samkvæmt því sem fram kemur á vefsíðu flokksins en frestur til þess að senda inn umsókn um starfið rann út á föstudaginn.

„Þriggja manna valnefnd, skipuð formanni BF, stjórnarformanni og þingflokksformanni mun nú leggjast yfir listann, grandskoða umsóknir og boða álitlega umsækjendur í viðtöl á næstu dögum. Framkvæmdastjórn BF skipar svo í stöðuna í samráði við þingflokkinn,“ segir ennfremur.

Haft er eftir Guðmundi Steingrímssyni, formanni Bjartrar framtíðar, að spennandi og gaman sé að sjá hversu margir vilji vinna fyrir flokkinn.

• 2 blogg um fréttina

Bloggað um fréttina

• Jóhann Elíasson: EF MENN VILJA EKKI LÁTA STIMPLA SIG PÓLITÍSKT.........
• Ægir Óskar Hallgrímsson: Tugir vilja pening frá skattborgurum....