Innlent | mbl | 27.8.2014 | 22:51 | Uppfært 23:18

Sigdældir suðaustan við Bárðarbungu

Mynd sem var tekin í eftirlitsflugi Landhelgisgæslunnar í dag fyrir norðan Dyngjujökul. Hún sýnir sprungur sem hafa hreyfst sem búast megi við í tengslum við kvikuganginn sem hefur verið á hreyfingu. Sprungurnar ná um það bil fjóra km norður fyrir Dyngjujökul. mynd/Tobias Dürig hjá Jarðvísindsstofnun HÍ

Almannavarnadeild ríkislögreglustjóra segir að vísindamenn hafi orðið varir við breytingar í norðvestanverðum Vatnajökli. Farið hafi verið í vísindamannaflug með TF-SIF yfir jökulinn í dag. Í fluginu sáust grunnir sigkatlar og sprungur 4 – 6 km langar við suðaustanverða Bárðarbungu.

Markmiðið með ferðinni var að greina frekar svæðið þar sem jarðskjálftahrinan hefur verið undanfarna daga. Í fluginu sáust grunnir sigkatlar og sprungur 4 – 6 km langar við suðaustanverða Bárðarbungu. Þarna er um 400 til 600 metra þykkur ís. Svæðið er við vatnaskil Jökulsár á Fjöllum og Grímsvatna.

Vísindamenn eru að funda um atburðinn og áætlað er að fljúga aftur yfir svæðið í fyrramálið. Engin merki eru um gosóróa. Samhæfingarstöðin í Skógarhlíð hefur verið virkjuð vegna þessara atburða