Eldgos hafið norðan Dyngjujökuls
Setja bókamerki
Sprungugos er hafið norður af Dyngjujökli, nyrst í Holuhrauni. Gosið hófst um miðnætti, u.þ.b. 00:02, miðað við vefmyndavélar og jarðskjálftagögn, segir í frétt Veðurstofunnar um málið. Ekki er talið að fólk sé í hættu vegna gossins. Nokkuð hefur dregið úr gosóróa á svæðinu miðað við fyrstu klukkustundir gossins. Sjá viðtal við jarðskjálftafræðing Veðurstofunnar hér.
Gosið sést ekki á ratsjá og talið er að öskuframleiðsla sé óveruleg. Vísindamenn á svæðinu telja að gosið sé nokkra kílómetra norður af sporði Dyngjujökuls, og að hraun renni til suð-austurs og virðist renna hratt. Veikur gosórói sést á jarðskjálftamælum í samræmi við hraungos án verulegrar sprengivirkni. Engin merki sjást um jökulhlaup, samkvæmt upplýsingum Veðurstofunnar.
Gosið er hraungos, og er norðan við Dyngjujökul í Holuhrauni. Samkvæmt upplýsingum almannavarnadeildar ríkislögreglustjóra er hraunið þunnfljótandi og virðist rólegt.
Gossprungan um 1 km löng, við norðurenda Holuhrauns. Hraunið rennur til suðausturs.
Skilgreint hættusvæði vegna blindflugs hefur verið minnkað og nær nú upp í 5.000 feta hæð. Allir áætlunarflugvellir á Íslandi eru opnir. Í fyrstu, rétt eftir að gosið hófst, náði hættusvæðið m.a. yfir Akureyrarflugvöll.
Funda með þingflokkum
Beint: Ný ríkisstjórn tekin við völdum
Fyrsti blaðamannafundurinn í heild sinni
Var engin kristnitaka árið 1000?
Skattamál verði líklega „þeirra mesta klemma“
Alvarleg netárás á Wise
