Hraunið sem komið hefur upp í eldgosinu í Holuhrauni heldur áfram að lengjast til norðurs og nálgast Jökulsá á Fjöllum.

Í morgun var talið að útbreiðsla hraunsins væri um 11 km² en það hefur stækkað síðan. Ekkert lát er á eldgosinu, en það hefur nú staðið í meira en fjóra sólarhringa.

Vísindamenn hafa úti allar klær við að afla upplýsinga um eldgosið og hraunið. Ármann Höskuldsson sendir lýsingar á stöðu goss, flæði hrauns og gps hnit af jaðri þess oft á dag, en hann og fleiri vísindamenn Jarðvísindastofnunar eru að störfum á vettvangi og fylgjast grannt með gangi mála.

Sérfræðingar Landhelgisgæslunnar standa einnig vaktina, við öflun ratsjár- og hitamynda úr lofti, með flugvélinni TF SIF. Þannig næst einnig yfirlit yfir svæði sem ekki er óhætt að nálgast á landi. Allar tiltækar gervitunglamyndir eru nýttar til að fylgjast með málum. Þessi gögn eru síðan miðuð við grunnkort Landmælinga Íslands og loftmyndir frá Loftmyndum ehf.

Tengdar fréttir

Bárðarbunga

Skjálftinn reyndist enn stærri en talið var

• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu
• Glóandi dreki og land í bláu skini

» Fleiri tengdar fréttir

• 2 blogg um fréttina

Bloggað um fréttina

• S i g u r ð u r S i g u r ð a r s o n: Fagmannleg framsetning Jarðvísindastofnunar og ÍSOR
• Torfi Kristján Stefánsson: Verður þá ekki að loka hringveginum?