Ekki þarf mikið til að gos hefjist undir Dyngjujökli. Verði það af sambærilegum krafti og gosið í Holuhrauni myndi það hins vegar ekki kalla á hamfarahlaup í Jökulsá á Fjöllum. Þetta segir Magnús Tumi Guðmundsson jarðeðlisfræðingur.

Í umfjöllun um eldgosið í Morgunblaðinu í dag segir Magnús Tumi breytingar á slóðum gossins og í jöklinum undirstrika það að enn séu töluverðar líkur á að gosið teygi sig undir jökulinn.

Hraunið í Holuhrauni heldur áfram að stækka og renni það eins hratt og það gerði í gær er mögulegt að það nái út í farveg Jökulsár á Fjöllum í dag, að sögn Pálma Erlendssonar, jarðfræðings hjá Veðurstofu Íslands. Það ætti þó ekki að hafa mikil áhrif. „Það hefur ekki stórfengleg áhrif en það verða einhverjar sprengingar þegar glóheitt hraun rennur út í vatnið,“ sagði Pálmi í gærkvöldi.

Tengdar fréttir

Bárðarbunga

Skjálftinn reyndist enn stærri en talið var

• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu
• Glóandi dreki og land í bláu skini

» Fleiri tengdar fréttir