Málmleitarhliði komið fyrir á Alþingi

Sett verður upp málmleitarhlið við inngang Alþingis að aftanverðu, þannig að ekki verði hægt að fara með málmhluti upp á þingpalla.

Í umfjöllun um mál þetta í Morgunblaðinu í dag segir Helgi Bernódusson, skrifstofustjóri Alþingis, tilgang hliðsins að auka öryggi í þinghúsinu og koma í veg fyrir að hægt verði að fara með hluti á þingpalla sem síðan mætti fleygja inn í þingsalinn eða hluti sem menn geti skaðað sjálfa sig með.