Vísbendingar eru um að askja Bárðarbungu sé enn að síga og á meðan svo er má ekki búast við því að gosið norðan Vatnajökuls hætti, að sögn Magnúsar Tuma Guðmundssonar jarðeðlisfræðings.

„Bárðarbunga er að síga og kvikan sem undir er leitar út í kvikuganginn og Holuhraun. Á meðan askjan sígur er ekki við því að búast að gosið hætti,“ segir hann í umfjöllun um eldsumbrotin í Morgunblaðinu í dag.

Töluvert magn af brennisteinstvíoxíði kemur upp úr gosinu í Holuhrauni og hefur blá móða legið yfir hluta Austurlands undanfarna daga. Há gildi þess mældust á mælum álversins í Reyðarfirði á laugardag, þau hæstu sem mælst hafa hér á landi frá því að mælingar á mengun hófust árið 1970.

Tengdar fréttir

Bárðarbunga

3,5 stiga skjálfti í Bárðarbungu

• Skjálftinn reyndist enn stærri en talið var
• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu

» Fleiri tengdar fréttir