Akrafell, flutningaskip Samskipa sem strandaði við Vattarnes í liðinni viku, hefur verið bundið við bryggju á Eskifirði undanfarna daga þar sem unnið hefur verið við að þétta skipið og koma í veg fyrir frekara tjón og fyrirbyggja mengun. 

Þetta kemur fram í tilkynningu frá félaginu.

„Dæling úr skipinu gengur vel og tæknimenn vinna að því lágmarka tjón í vélarrúmi.
Áætlað er að flytja skipið að Mjóeyri við Reyðarfjörð þar sem farmurinn verður losaður. Gert er ráð fyrir að losun farms hefjist á morgun laugardag. Undirbúningur og framkvæmd á flutningi skipsins er unnin í samráði við hlutaðeigandi aðila.

Dráttarbátur frá Höfn í Hornafirði, Björn Lóðs og Björgunarskipið Vöttur munu aðstoða við flutning á Akrafellinu frá Eskifirði til Reyðarfjarðar,“ segir ennfremur.

Tengdar fréttir

Akrafell strandað

Skotbardagar í kjölfar sjálfsvígsárása

• Enn verið að meta tjón vegna Akrafells
• Hluti farmsins fastur á Mjóeyri
• Akrafell bíður örlaga sinna
• Greiddi 700.000 í sekt

» Fleiri tengdar fréttir

• Blogga um frétt