Innlent | Morgunblaðið | 12.9.2014 | 5:30 | Uppfært 5:51

Minna til ferðamannastaða

Styrkt hafa verið nærri 300 verkefni á síðustu árum. Þau snúa að verndun viðkvæmra svæða, móttöku ferðafólks og öryggi. mbl.is/Friðrik Tryggvason

Fjárveitingar til viðhalds, uppbyggingar og öryggis á ferðamannastöðum verða um 146 milljónir á komandi ári, samkvæmt fjárlagafrumvarpi.

Er það mikill samdráttur frá því sem verið hefur í ár og á síðasta ári en bæði árin hafa um 600 milljónir kr. farið til verkefnanna, að því er fram kemur í umfjöllun um mál þessi í Morgunblaðinu í dag.

Næg verkefni eru fyrir aukið fjármagn til þessara verka, að sögn forsvarsmanna Framkvæmdasjóðs ferðamannastaða. Þannig var sótt um styrki upp á 848 milljónir kr. í síðustu reglulegu úthlutun sjóðsins en til ráðstöfunar voru 245 milljónir.