Skora á Landsbankann að hætta við

Bæjarstjórn Sandgerðisbæjar harmar ákvörðun Landsbankans um lokun útibús bankans í Sandgerði. Á fundi bæjaryfirvalda með Steinþóri Pálssyni bankastjóra fyrr í dag var skorað á hann og bankaráð Landsbankans að endurskoða tafarlaust ákvörðun um lokun og falla frá þeim áætlunum.

Þetta kemur fram í yfirlýsingu frá Sandgerðisbæ.

Þar segir, að Landsbankinn eigi að hafa burði til að starfrækja bankaútibú í rúmlega 1.600 manna samfélagi og bjóða bæði íbúum og fyrirtækjum þjónustu í nærsamfélaginu. Þannig stæði banki í ríkiseigu undir samfélagslegum skyldum og ábyrgð.

Bæjarstjórn Sandgerðisbæjar segir ennfremur, að hún muni gera það sem í hennar valdi standi til að reyna að tryggja Sandgerðingum bankaþjónustu í heimabyggð.

18 sagt upp hjá Landsbankanum

• 1 blogg um fréttina

Bloggað um fréttina

• Egill Jón Kristjánsson: Gamaldags hugsunarháttur Sandgerðinga.