Ísland axli ábyrgð í loftslagsmálum
Setja bókamerki
Loftslagsgangan í Reykjavík fór fram í miðborginni í dag. Gangan er haldin í borgum víða um heim og er markmið hennar að fá ráðamenn til þess að axla ábyrgð í loftslagsmálum. Er gangan haldin í tengslum við loftslagsráðstefnu Sameinuðu þjóðanna sem hefst á þriðjudaginn í New York.
Aðalritari Sameinuðu þjóðanna, Ban Ki-moon, er gestgjafi þess fundar og er markmið hans að gefa ráðamönnum tækifæri til að ræða nauðsyn aðgerða, nú rúmu ári fyrir Loftslagsþingið sem haldið verður í París í lok næsta árs. Þar er stefnt að bindandi samkomulagi aðildarríkjanna um samdrátt í losun gróðurhúsalofttegunda.
Hópurinn sem gekk í dag, safnaðist saman á horni Frakkastígs, Kárastígs og Njálsgötu, rétt hjá söluturninum Drekanum en skipuleggjendur göngunnar nefna það svæði til gamans Drekasvæðið. Lá gangan að Skólavörðustíg og niður á Austurvöll.
Meðal skipuleggjenda viðburðarins á Íslandi eru Náttúruverndarsamtök Íslands og samtökin Grugg.
Átti ekki að láta pirring bitna á sjúklingi
Þórarinn: Tafir á höfuðborgarsvæðinu ekki minni
Gosið gæti varað lengur: Meiri fyrirstaða í gosrásinni
Einar skorar á næstu ríkisstjórn
Úlfar: Heppileg tímasetning á gosinu
Búseta skortir byggingarlóðir
Borgin verður af milljörðum eftir dóm Hæstaréttar