Lögreglan þarf að leggja mikinn mannafla, tíma og orku í að koma í veg fyrir að fólk fari inn á bannsvæðið norður af Vatnajökli og vinna úr málum sem upp hafa komið vegna þess.

„Þetta er tími sem við teljum að væri betur varið í ýmislegt annað sem að þessu snýr,“ segir Svavar Pálsson, sýslumaður á Húsavík. Hefur lögreglan á Húsavík hefur fengið liðsauka frá ríkislögreglustjóra til að annast gæslu á fjöllum og við almenna löggæslu í umdæminu.

Engin merki sjást um að eldgosið í Holuhrauni sé í rénun. Hraunrennsli er enn verulegt og breiðir nú úr sér við miðbik hraunsins. Á nýju korti sem starfsmenn Jarðvísindastofnunar hafa gert samkvæmt upplýsingum jarðvísindamanna á staðnum og eftir flug með þyrlu Landhelgisgæslunnar á laugardag sést að hraunið hefur breitt verulega úr sér síðustu daga til suðausturs, meðfram kvísl Jökulsár. Hraunið er nú talið 37 ferkílómetrar að stærð, þar af hafa tæpir 8 ferkílómetrar bæst við síðustu vikuna.

Tengdar fréttir

Bárðarbunga

3,5 stiga skjálfti í Bárðarbungu

• Skjálftinn reyndist enn stærri en talið var
• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu

» Fleiri tengdar fréttir