„Ég hef áhyggjur af ríkisfjármálunum almennt. Mér finnst okkur ekki ganga nógu vel að forgangsraða í þágu grunnþjónustunnar og sé eftir þeim fjármunum sem fara í annað,“segir Guðlaugur Þór Þórðarson, varaformaður fjárlaganefndar, um tillögur Sigurðs Inga Jóhannssonar sjávarútvegs- og landbúnaðarráðherra um að greiða þeim starfsmönnum sem flytjast norður með Fiskistofu þriggja milljóna króna styrki.

Í Vikulokunum á Rás 1 á laugardag sagði Vigdís Hauksdóttir, formaður fjárlaganefndar, slíka styrki brjóta gegn jafnræðisreglu og að ekki mætti skapa galin fordæmi. 

Guðlaugur segist vilja að starfsfólk Fiskistofu fái aukið valfrelsi um starfsstöðvar enda séu mörg störf þess eðlis að ekki þurfi að sinna þeim frá einhverjum ákveðnum stað.

Hann segist ekki hafa skoðað tillögur ráðherra um styrki sérstaklega en að leggja verði áherslu á að forgangsraða í ríkisfjármálum. „Við skuldum ennþá mjög mikið og við erum ekki að fara að greiða þær skuldir núna að öllu óbreyttu. Við sjáum líka fram á ný útgjöld vegna breyttrar aldurssamsetningar og því tel ég að forgangsröðun eigi að vera grunnstefið í allri okkar vinnu.“

Tengdar fréttir

Flutningur Fiskistofu til Akureyrar

Enginn fer norður nema forstjórinn

• Fiskistofa norður um áramótin
• Vilja tryggja að staðið verði við yfirlýsingar
• Flutningur tekur 15 til 20 ár
• Ekki í stríði við starfsmenn Fiskistofu

» Fleiri tengdar fréttir

• 1 blogg um fréttina

Bloggað um fréttina

• sleggjuhvellur: Nauðsynlegt að hagræða