Vísindamenn við gosstöðvarnar í Holuhrauni hafa ákveðið að yfirgefa svæðið um stundarsakir sökum þess hve erfitt er að meta það hvernig eitraðar gastegundir muni dreifast um svæðið nærri Drekaskála á Öskjusvæði, þar sem vísindamenn hafa dvalið við rannsóknir.

Í Morgunblaðinu í dag segir Morten Riishuus, sem fer fyrir hópnum,  að ákveðið hafi verið að yfirgefa svæðið í gær en þeir geri sér vonir um að hægt verði að snúa til baka í kvöld.

„Það sem hefur verið að gerast á gossvæðinu er það að í dag hefur gosmökkurinn stigið til norðurs yfir Dyngjufjöll og situr þar eins og teppi. Tvívegis höfum við tekið eftir því að gasskýið hefur sigið yfir Óðalshraun og í lægðir í landslaginu. Það færðist síðan nærri Víkursandi og í átt að Herðubreið og lengra norður. Það hefur gerst oftar en einu sinni,“ segir Morten.

Tengdar fréttir

Bárðarbunga

3,5 stiga skjálfti í Bárðarbungu

• Skjálftinn reyndist enn stærri en talið var
• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu

» Fleiri tengdar fréttir