Vaxandi þrýstingur er af hálfu breskra stjórnvalda á að Seðlabanki Íslands – og fjármálaráðherra – veiti undanþágu frá höftum fyrir útgreiðslu erlends gjaldeyris úr slitabúi gamla Landsbankans (LBI) til forgangskröfuhafa.

Breski innistæðutryggingasjóðurinn er stærsti forgangskröfuhafi LBI og á eftir að fá greidda um 400 milljarða úr búinu.

Andrea Leadsom, undirráðherra fyrir efnahagsmál í breska fjármálaráðuneytinu, hefur á síðustu vikum átt í talsverðum samskiptum við Bjarna Benediktsson, fjármála- og efnahagsráðherra, vegna málsins, samkvæmt heimildum Morgunblaðsins.

Hefur ráðherrann ítrekað þá afstöðu breskra yfirvalda að greiðslur berist til forgangskröfuhafa sem allra fyrst. Á búið nú yfir 400 milljarða í lausafé í erlendum gjaldeyri. Bjarni vildi ekkert tjá sig um málið þegar eftir því var leitað, að því er fram kemur í umfjöllun um mál þetta í Viðskiptamogganum í dag.

Tengdar fréttir

Icesave

Bresk stjórnvöld létu Ísland róa

• Íslendingar í efnahagslegu stríði
• Icesave var stærsta dómsmál EFTA
• Hefði kostað 208 milljarða
• „Grýla er dauð“

» Fleiri tengdar fréttir