Björgunarsveitarmenn sem vakta vegartálmann að gosstöðvunum í Holuhrauni fá oftar en ekki refinn Gosa í heimsókn á kvöldin. Þar sem honum hefur í hverri heimsókn verið gefið að éta venur hann komur sínar þangað og stillir sér upp fyrir myndatökur til að launa greiðann.

Annars er allt með kyrrum kjörum á gosstöðvunum. Svipaður gangur er í eldgosinu og jarðskjálftavirkni við Bárðarbungu sambærileg og verið hefur undanfarna daga. Jarðskjálfti upp á 4,8 mældist rétt fyrir miðnætti 4,8 km NA af Bárðarbungu og rétt eftir klukkan eitt mældist annar upp á slétt þrjú stig 7,4 km ASA af Bárðarbungu.

Síðan hafa ekki mælst skjálftar sterkari en þrjú stig.

Í dag og á morgun lítur út fyrir fremur hæga norðaustlæga átt og gæti orðið vart gasmengunar suður og suðvestur af eldstöðvunum, meðal annars á höfuðborgarsvæðinu.

Tengdar fréttir

Íslenska dýraríkið

Búast við 10 þúsund pysjum í ár

• Gæsahópur stöðvaði umferð um fjölfarin gatnamót
• Velja íslenskt hafsvæði í stað þess karabíska
• „Verulega óvenjulegt og ótrúlega merkilegt“
• „Fer að verða eins og heimilisköttur“

» Fleiri tengdar fréttir

Bárðarbunga

„Þetta er okkar öflugasta eldstöð“

• Skjálfti nærri Kötlu minnir á stærð Bárðarbungu
• Hátt í tuttugu yfir 3 að stærð: Sá stærsti 5,1
• Lögreglan virkjar viðbragðsáætlun
• Óvenjuleg og hröð atburðarás sem kemur á óvart

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Maríuerlan María er horfin af vaktinni.