Jón dæmdur fyrir meiðyrði

Jón Guðbjartsson útgerðarmaður var dæmdur í héraðsdómi Vestfjarða í dag fyrir ummæli sem hann lét falla um Helga Áss Grétarsson, dósent við lagadeild Háskóla Íslands og höfð voru eftir honum á vef Bæjarins besta og í þættinum Í bítið á Bylgjunni. 

Í dómsorði eru eftirfarandi ummæli, sem höfð voru eftir Jóni á fréttavefnum www.bb.is 13. febrúar 2014, dæmd dauð og ómerk:

„Helgi Áss er á launum hjá LÍÚ sem borgar stöðu hans við háskólann.“

„...og þá er kallaður fram á sjónarsviðið sérlegur lögfræðingur veldisins til að skera úr um málin.“

„Láta mann á launum hjá LÍÚ skrifa álit“

Og, eftirfarandi ummæli sem Jón lét falla í Bítinu á Bylgjunni 18. febrúar 2014, eru einnig dæmd dauð og ómerk:

„...það svolítið skrýtið að Helgi Áss Grétarsson starfsmaður LÍÚ upp í háskóla hann skuli hafa verið beðinn um að búa til álit fyrir atvinnuveganefnd.“

Jón þarf að greiða Helga 300 þúsund krónur í skaðabætur, 63.252 krónur til að kosta birtingu dómsins í einu dagblaði hér á landi og 660.600 krónur í málskostnað. 

Helgi stefnir útgerðarmanni

• 1 blogg um fréttina

Bloggað um fréttina

• Páll Vilhjálmsson: Vestfirskt málfrelsi naumt skammtað