Innlent | mbl | 19.10.2014 | 20:47

Afmæli hjá Agnesi biskupi

Mynd 1 af 5 Agnes M. Sigurðardóttir hefur verið biskup Íslands frá 2012 og er fyrst kvenna til að gegna því embætti. Mbl.is/Sigurður Bogi

Mynd 2 af 5 Þau Rannveig Sigurbjörnsdóttir og sr. Bernharður Guðmundsson mættu glöð í bragði.

Mynd 3 af 5 Að sjálfsögðu var flaggað fyrir afmælisbarninu. Mbl.is/Sigurður Bogi

Mynd 4 af 5 Meðal gesta voru hjónin Hlöðver Örn Rafnsson lögg. endurskoðandi og Sigríður Sverrisdóttir tannlæknir. Sigurður Bogi Sævarsson

Mynd 5 af 5 Agnes og Kristín Karvelsdóttir úr Bolungarvík. Stúlkan sem er með henni er Guðný Ása Bjarnadóttir.

Fjölmenni samgladdist frú Agnesi M. Sigurðardóttur, biskupi Íslands, sem nú síðdegis hélt boð í tilefni sextugsafmælis síns sem er í dag, 19. október.

Agnes M. Sigurðardóttir er frá Ísafirði, fædd árið 1954. Prestsvígslu tók hún árið 1981 og var fyrst eftir það meðal annars æskulýðsfulltrúi þjóðkirkjunnar.

Árið 1986 var hún skipuð sóknarprestur á Hvanneyri og var í Borgarfirðinum til 1994, en hún flutti sig til Bolungarvíkur hvar hún þjónaði til ársins 2012, þegar hún var valin biskup Íslands, fyrst kvenna.

Afmælið hélt hún á heimili sínu í embættisbústað biskups í Bergstaðastræti 75 í Reykjavík og var fólk sem starfar á vettvangi þjóðkirkjunnar áberandi í gestahópnum.