„Getum ekki stungið höfðinu í sandinn“

„Fremsta skylda stjórnvalda er að verja öryggi íslenskra borgara og það er við stærri ógnir að etja en nokkru sinni fyrr því miður,“ sagði Elín Hirst, þingmaður Sjálfstæðisflokksins á Facebook-síðu sinni í kvöld. „Isis hryðjuverkasamtökin sem ógna heimsfirði nú um stundir og reyndu að notafæra sér íslenska landslénið is, en voru stöðvaðir sem betur fer, sýnir okkur glöggt að Ísland getur verið í skotlínu, eins og önnur lönd.“

Elín segist hafa viljað að vopnakaup íslensku lögreglunnar væru rædd opinberlega fyrst „og ég gagnrýni það, en við getum ekki stungið höfðinu í sandinn.“ 

Þá sagði hún mikilvægt að horfast í augu við raunveruleikann, og benti á skotárásina í kanadísku borginni Ottawa í gær, þar sem skotum var hleypt af í og við kanadíska þingið. Elín deildi frétt mbl.is þar sem haft er eftir Stephen Harper, forsætisráðherra landsins, að skotárásin hafi verið fyrirlitlegur atburður. 

Árás­in átti sér stað nokkr­um klukku­stund­um eft­ir að kanadísk stjórn­völd ákváð að hækka viðbúnaðarstig vegna hættu á hryðju­verka­árás í land­inu. Fyrr í þess­um mánuði greindu kanadísk stjórn­völd frá því að þau hyggðust taka þátt í aðgerðum, sem Banda­rík­in leiða, gegn hryðju­verka­sam­tök­un­um Ríki íslam í Írak. Ekki hef­ur feng­ist staðfest að árás­irn­ar teng­ist hryðju­verka­sam­tök­un­um. 

• 4 blogg um fréttina

Bloggað um fréttina

• Júlíus Már Baldursson: Sérstök hugsun
• Ásgrímur Hartmannsson: Svo margt til að hafa ekki áhyggjur af
• sleggjuhvellur: össs
• Steinar Þorsteinsson: Einkennilegt er allt það ráðslag.............