Kannast ekki við breytta stefnu Rússa

„Við höfum ekki neinar upplýsingar um það,“ sagði Gunnar Bragi Sveinsson utanríkisráðherra við fjölmiðla í dag eftir að hann hafði setið ríkisstjórnarfund spurður um það hvort hann vissi til þess að Rússar hefðu í hyggju að bæta Íslendingum í hóp þeirra þjóða sem þeir hafi gripið til viðskiptaþvingana gagnvart vegna málefna Úkraínu.

Ráðherrann sagði vel fylgst með þeim málum í utanríkisráðuneytinu en engar upplýsingar hefðu  hins vegar borist um neina stefnubreytingu í þeim efnum af hálfu Rússa. „Ekki orð.“ Rússar gripu fyrr á árinu til viðskiptaþvingana gagnvart Bandaríkjunum, ríkjum Evrópusambandsins og fleiri ríkjum sem svar við viðskiptaþvingunum ríkjanna gagnvart Rússlandi. Engu að síður hafa íslensk stjórnvöld lýst yfir stuðningi við viðskiptaþvinganir þessara ríkja.

• 1 blogg um fréttina

Bloggað um fréttina

• Haraldur Haraldsson: Kannast ekki við breytta stefnu Rússa/Áróðurinn í hámarki,ekki spurning!!!