Í dag er búið að fella niður 31 skurðaðgerð á Landspítalanum vegna verkfallsaðgerða. Skurðlæknar hófu verkfall á miðnætti og skarast það á við verkfall lækna á flæði- og aðgerðarsviði sem hófst í gær.

Samkvæmt upplýsingum frá Landspítalanum fellur fjöldi dag- og göngudeildakoma einnig niður á aðgerðasviði, skurðlækningasviði og flæðissviði en ekki eru til nákvæmar tölur að svo stöddu.

Bráðamót­taka, end­ur­hæf­ing­ar­deild­ir, öldrun­ar­deild­ir og fleira heyr­ir und­ir flæðisvið spít­al­ans en á aðgerðasviði er gjör­gæsl­an, skurðstof­ur, spegl­an­ir, svæf­ing, blóðbanki og fleira.

Af 68 skurðlæknum í Skurðlæknafélagi Íslands eru 48 í verkfalli. Jafnframt eru 39 læknar í Læknafélagi Íslands af 55 í verkfalli á aðgerðasviði og 21 læknir af 70 á flæðisviði, flestir á öldrunarsviði. Alls eru því 108 læknar á Landspítalanum í verkfalli í dag.

Tengdar fréttir

Læknadeilan

Fjölgun bendir til heimkomu lækna

• Draga uppsagnirnar til baka
• Grunnlaun eru 62,7% af meðaltekjum
• Meirihlutinn hættur við uppsögn
• Tveir læknar hafa dregið uppsagnir til baka

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Læknar heyja stríð með almannatenglum
• Ómar Geirsson: Eru allir kjósendur íhaldsins yngri en 25 ára??