Ólafur höfðar vitnamál

Þingfesta á í dag mál Ólafs Ólafssonar athafnamanns gegn Sigríði Friðjónsdóttur ríkissaksóknara í Héraðsdómi Reykjavíkur.

Að sögn Þórólfs Jónssonar, héraðsdómslögmanns á lögmannsstofunni Logos, sem fer með málið fyrir hönd Ólafs, er tilgangurinn með málshöfðuninni frekari gagnaöflun og að eitt vitni verði kallað fyrir í tengslum við Al Thani-málið.

„Það er fyrirhugaður flutningur í málinu í Hæstarétti í janúar og í tengslum við það er bara í rauninni verið að afla frekari gagna,“ segir hann.