Bæjarfulltrúar lækka laun sín

Bæjarráð Reykjanesbæjar samþykkti samhljóða á fundi sínum í gær tillögu um að lækka föst laun bæjarfulltrúa og bæjarráðsmanna um 5%.

Ákvörðunin er liður í aðhaldsaðgerðum sem undirbúnar eru í tengslum við gerð fjárhagsáætlunar fyrir næsta ár.

Reykjanesbær er skuldugur, að því er fram kom í úttekt á fjárhag bæjarins. Kynnt hefur verið áætlun um að draga úr útgjöldum og auka tekjur með hækkun skatta. Unnið er samkvæmt áætlun sem nefnd er Sóknin.