Verkfallsaðgerðir lækna hefjast að nýju á miðnætti og standa yfir í tvo daga. Að þessu sinni eru það læknar hjá aðgerðar- og flæðisviði Landspítalans sem fara í verkfall.

Þjónusta verður skert á Landspítalanum á mánudag og þriðjudag vegna verkfalls lækna og miðvikudag og fimmtudag vegna verkfalls skurðlækna. Aðeins verður sinnt bráðaaðgerðum.

Samkvæmt upplýsingum frá Landspítalanum eru gerðar 55 til 60 aðgerðir á dag á spítalanum en þessa daga verða þær aðeins 15 til 20. 

Verkfallsaðgerðir lækna hafa nú staðið yfir í nærri fjórar vikur. Jafnframt hafa verkfallsaðgerðir skurðlækna staðið yfir í tæpar þrjár vikur.

Næsti fundur í kjaradeilu lækna verður hjá ríkissáttasemjara á þriðjudaginn. Ekki hefur verið boðað til fundar í deilu skurðlækna, en þeir funduðu síðast hjá ríkissáttasemjara á föstudaginn. 

Tengdar fréttir

Læknadeilan

Fjölgun bendir til heimkomu lækna

• Draga uppsagnirnar til baka
• Grunnlaun eru 62,7% af meðaltekjum
• Meirihlutinn hættur við uppsögn
• Tveir læknar hafa dregið uppsagnir til baka

» Fleiri tengdar fréttir

• 1 blogg um fréttina

Bloggað um fréttina

• Heimir Lárusson Fjeldsted: Upplýsingaþjónusta fyrir fasta viðskiptavini