Tæp 80% styðja kröfur lækna
Setja bókamerki
Mikill meirihluti landsmanna styður kjarabaráttu lækna ef marka má niðurstöður skoðanakönnunar Capacents eða tæp 80%. Konur styðja lækna frekar an karlar eða 85% á móti 71%. Þá styðja 72% landsbyggðarfólks kjarabaráttu þeirra en 85% íbúa höfuðborgarsvæðisins. Greint var frá könnuninni í fréttum Ríkisútvarpsins.
Ef miðað er við stuðning út frá afstöðu fólks til ríkisstjórnarinnar segjast 65% þeirra sem styðja stjórnina sömuleiðis styðja kröfur lækna en 87% þeirra sem styðja stjórnina ekki.
Mestur stuðningur út frá stjórnmálaflokkum er meðal kjósenda Bjartrar framtíðar eða 95%. Þá styðja 87% stuðningsmanna Pírata kjarabaráttu lækna, 65% þeirra sem styðja Sjálfstæðisflokkinn og 59% þeirra sem myndu kjósa Framsóknarflokkinn.
Skoðanakönnunin var gerð dagana 13. - 20. nóvember.
Synti yfir ísvatnið: „Ekki eftir neinu að bíða“
Ferðafólki bjargað af þaki bíla
Verkföll í framhaldsskólum gætu orðið ótímabundin
Endurgreiðir 2,4 milljarða
Mesta flóð frá 2013
Ræsing Hvammsvirkjunar gæti tafist um nokkur ár
Ísrael og Hamas semja um vopnahlé