Innlent | mbl | 30.11.2014 | 14:20 | Uppfært 1.12.2014 9:04

„Sjallinn lifir áfram í Akureyrarhjörtum“

Mynd 1 af 27 Ragnhildur Gísladóttir og Egill Ólafsson í banastuði undir lok dansleiksins. Skapti Hallgrímsson

Mynd 2 af 27 Eigendur hússins, Þórhallur Arnórsson og Elís Árnason voru kallaðir á svið í upphafi skemmtunarinnar. Þórhallur átti afmæli í gær og stjórnaði Jakob að sjálfsögðu afmælis-fjöldasöng. Skapti Hallgrímsson

Mynd 3 af 27 Steingrímur Birgisson forstjóri Hölds - Bílaleigu Akureyrar. Fyrirtækið varð 40 ára í sumar og stóð að samkomunni í gær með Stuðmönnum. Skapti Hallgrímsson

Mynd 4 af 27 Eiríkur Björn Björgvinsson bæjarstjóri á Akureyri flutti ávarp. Skapti Hallgrímsson

Mynd 5 af 27 Jakob Frímann Magnússon Stuðmaður ávarpar viðstadda. Skapti Hallgrímsson

Mynd 6 af 27 Úr myndbandi sem N4 gerðu um sögu Sjallans. Skapti Hallgrímsson

Mynd 7 af 27 Úr myndbandi sem N4 gerðu um sögu Sjallans. Skapti Hallgrímsson

Mynd 8 af 27 Örn Birgisson hljóp í skarð frænda síns, Kristjáns Jóhannssonar. Skapti Hallgrímsson

Mynd 9 af 27 Stuðmenn kveðja Sjallann Skapti Hallgrímsson

Mynd 10 af 27 Helena Eyjólfsdóttir mætti með Helenustokkinn, sem Egill Ólafsson nefndi svo fyrir margt löngu, og tók nokkur lög við undirleik Stuðmanna. Skapti Hallgrímsson

Mynd 11 af 27 Helena Eyjólfsdóttir mætti með Helenustokkinn, sem Egill Ólafsson nefndi svo fyrir margt löngu, og tók nokkur lög við undirleik Stuðmanna. Skapti Hallgrímsson

Mynd 12 af 27 Helena Eyjólfsdóttir mætti með Helenustokkinn, sem Egill Ólafsson nefndi svo fyrir margt löngu, og tók nokkur lög við undirleik Stuðmanna. Skapti Hallgrímsson

Mynd 13 af 27 Helena Eyjólfsdóttir mætti með Helenustokkinn, sem Egill Ólafsson nefndi svo fyrir margt löngu, og tók nokkur lög við undirleik Stuðmanna. Skapti Hallgrímsson

Mynd 14 af 27 Valgeir fer með kveðjubraginn; Óð til Sjallans. Friðrik Karlsson gítarleikari hlýðir á, andaktugur. Skapti Hallgrímsson

Mynd 15 af 27 Valgeir fer með kveðjubraginn; Óð til Sjallans Skapti Hallgrímsson

Mynd 16 af 27 Valgeir og Ragnhildur. Skapti Hallgrímsson

Mynd 17 af 27 Valgeir, Ragnhildur og Egill. Skapti Hallgrímsson

Mynd 18 af 27 Valgeir, Ragnhildur og Egill. Skapti Hallgrímsson

Mynd 19 af 27 Félagarnir úr Mezzoforte, Eyþór Gunnarsson og Friðrik Karlsson. Skapti Hallgrímsson

Mynd 20 af 27 Stuðmenn kveðja Sjallann Skapti Hallgrímsson

Mynd 21 af 27 Stuðmenn kveðja Sjallann Skapti Hallgrímsson

Mynd 22 af 27 Stuðmenn kveðja Sjallann Skapti Hallgrímsson

Mynd 23 af 27 Stuðmenn kveðja Sjallann Skapti Hallgrímsson

Mynd 24 af 27 Stuðmenn kveðja Sjallann Skapti Hallgrímsson

Mynd 25 af 27 Stuðmenn kveðja Sjallann Skapti Hallgrímsson

Mynd 26 af 27 Stuðmenn kveðja Sjallann Skapti Hallgrímsson

Mynd 27 af 27 Stuðmenn kveðja Sjallann Skapti Hallgrímsson

Mikið fjör var á kveðjusamkomu Stuðmanna í Sjallanum. mbl.is/Skapti Hallgrímsson

Stuðmenn kvöddu Sjallann á Akureyri í gærkvöldi á fjölmennri samkomu þar sem stemningin minnti á fjörið á gullaldarárum hússins. Hlutverki þess sem samkomuhúss af gamla skólanum lýkur um áramót og nýir eigendur hyggjast breyta því í hótel.

Samkoman í gærkvöldi hófst með hanastéli, Eiríkur Björn Björgvinsson bæjarstjóri flutti síðan ávarp og sýnt var myndband sem sjónvarpsstöðin N4 tók saman um sögu hússins.

Fyrirhugað var að akureyrski stórtenórinn Kristján Jóhannsson stigi á svið en hann lá veikur á heimili sínu fyrir sunnan. Í skarðið hljóp Konnari af næstu kynslóð: systursonur Kristjáns, Örn Birgisson, og flutti nokkur lög. Þá steig á svið söngkonan ástsæla, Helena Eyjólfsdóttir, sem söng í húsinu í fjöldamörg ár með hljómsveit Ingimars Eydal og síðar hljómsveit eiginmanns síns, Finns Eydal. Hún flutti nokkur lög í gær við undirleik Stuðmanna.

Stuðmenn fluttu loks dagskrá með lögum af hljómplötunni Tívolí frá 1976 ásamt ýmsu fleira góðgæti og að því loknu hófst dansiball þar sem stemningin var líklega ekki minni en í gamla daga, þegar unga kynslóð þess tíma troðfyllti húsið helgi eftir helgi og mátti meira að segja sjá suma úr þeim hópi í gær. Dansgólfið fylltist strax og fyrstu tónarnir voru slegnir og svitadropar féllu í lítratali þar til Stuðmenn kvöddu þegar komið var fram á rauða nótt.

Snemma kvölds fór Valgeir Guðjónsson Stuðmaður með frumsaminn kveðjubrag - Óð til hússins - sem þegar leið á ballið var sunginn við glænýtt lag. „Við komum hér fyrst, Stuðmenn, árið 1975. Við vorum málaðir í framan og ég man alltaf að hljómsveit Ingimars Eydal eins og hún lagði sig - þau reyndar stóðu öll, og horfðu á okkur eins og við værum einhver algjör fífl að sunnan, sem síðan reyndist vera rétt!“ sagði Valgeir áður en hann flutti kvæðið.

Kveðjubragurinn hefst á þessu erindi:

Endar dansinn enn á ný, undir ljósum björtum. Sjallinn lifir áfram í, Akureyrarhjörtum.

Gera má ráð fyrir að Valgeir reynist þarna sannspár.