Á Kjarvalsstöðum í dag voru kynntar þær 15 bækur sem tilnefndar eru til Íslensku bókmenntaverðlaunanna 2014. Þetta er í 26. sinn sem tilnefningarnar eru kynntar en tilnefnt er í flokki barna- og ungmennabóka, fagurbókmennta og fræðibóka og rita almenns efnis. Þetta er í 26. sinn sem tilnefningarnar eru kynntar. Fimm bækur eru tilnefndar í hverjum flokki og er verðlaunaupphæðin fyrir þær þrjár bækur sem hljóta Íslensku bókmenntaverðlaunin ein milljón króna hver.
Íslensku bókmenntaverðlaunin 2014 verða afhent um mánaðamótin janúar-febrúar á komandi ári af forseta Íslands, Ólafi Ragnari Grímssyni, á Bessastöðum.
Ármann Jakobsson Síðasti galdrameistarinn
Bryndís Björgvinsdóttir Hafnfirðingabrandarinn
Eva Þengilsdóttir Nála - riddarasaga
Þórarinn Eldjárn og Sigrún Eldjárn Fuglaþrugl og naflakrafl
Þórarinn Leifsson Maðurinn sem hataði börn
Guðbergur Bergsson Þrír sneru aftur
Gyrðir Elíasson Koparakur
Kristín Eiríksdóttir Kok
Ófeigur Sigurðsson Öræfi
Þórdís Gísladóttir Velúr
Björg Guðrún Gísladóttir Hljóðin í nóttinni
Eggert Þór Bernharðsson Sveitin í sálinni – Búskapur og ræktun í Reykjavík 1930-1970
Pétur H. Ármannsson ritst. Gunnlaugur Halldórsson - Arkitekt
Snorri Baldursson Lífríki Íslands – Vistkerfi lands og sjávar
Sveinn Yngvi Egilsson Náttúra ljóðsins – Umhverfi íslenskra skálda
Samhliða tilnefningum til Íslensku bókmenntaverðlaunanna kynnti dómnefnd á vegum Bandalags þýðenda og túlka þær fimm þýðingar sem tilnefndar eru til Íslensku þýðingaverðlaunanna. Bandalag þýðenda og túlka hefur staðið fyrir Íslensku þýðingaverðlaununum frá árinu 2005 og veitir forseti Íslands þau á degi bókarinnar, 23. apríl ár hvert, á Gljúfrasteini.
Fjórir af þeim fimm sem tilnefndir eru í ár hafa áður komið við sögu Íslensku þýðingaverðlaunanna. Herdís Hreiðarsdóttir hefur ekki áður gefið út þýðingu en Út í vitann er hluti af meistaraprófsverkefni hennar í þýðingafræði frá Háskóla Íslands árið 2013.
Þýðandi: Gyrðir Elíasson Listin að vera einn - Shuntaro Tanikawa
Þýðandi: Herdís Hreiðarsdóttir Út í vitann – Virginia Woolf
Þýðandi: Hermann Stefánsson Uppfinning Morles – Adolfo Bioy Casares
Þýðandi: Jón St. Kristjánsson Náðarstund – Hannah Kent
Þýðandi: Silja Aðalsteinsdóttir Lífið að leysa – Alice Munro