Einstaklingar njóti ekki virðingar

„Stundum þegar ég les opinber gögn rekur mig í rogastans yfir þeirri virðingu sem einstaklingurinn nýtur, eða við skulum segja virðingarleysi,“ sagði Vilhjálmur Bjarnason, þingmaður Sjálfstæðisflokksins, á Alþingi í dag, er hann ræddi um skattamál.

Í ræðu sinni vísaði hann í Tíund, sem er fréttablað ríkisskattstjóra. Þar kæmi meðal annars fram, að einstaklingur njóti 400.000 kr. í vaxtabóta en þegar einstaklingurinn gangi í hjónaband missi hann 33% af réttindum. Hann sagði að „hjónin eða sambúðarfólk er einungis með 600 þúsund.“

„Síðan gekk nú alveg yfir mig þegar sérstakur viðbótarlífeyrissparnaður var til frádráttar hjá einstaklingi upp á 500 þúsund kr., 750 þúsund., á hjón. Ég held að þingið ætti kannski að fara að virða einstaklinginn að fullu og jafnvel að nota virðulegri tölur en 2 eða 0,5, það er það eina sem þingið ræður við, og nota t.d. tölu eins og 1,61 eða 2,71 eða 3,14. Þetta eru þó virðulegar tölur sem hafa ýmsa mjög merkilega eiginleika.

Ég vildi aðeins vekja athygli þingsins á þessu. Einstaklingurinn er eintaklingur og hann á að vera það í gegnum alla löggjöf,“ sagði Vilhjálmur.

• 1 blogg um fréttina

Bloggað um fréttina

• Kolbrún Hilmars: Einfalt mál að leysa