Umhverfisáhrif verði óveruleg

Umhverfisráðgjafarfyrirtækið Environence, sem veitir ráðgjöf um umhverfismál og sjálfbæra þróun, tekur undir með mati Skipulagsstofnunar um að umhverfisáhrif af sólarkísilverksmiðju, sem bandaríska fyrirtækið Silicon Materials hyggst reisa í Hvalfjarðarsveit, verði óveruleg.

Sveitarstjórn Hvalfjarðarsveitar óskaði eftir því við Envronice að fyrirtækið myndi leggja óháð mat á fyrirliggjandi gögn um áformin. Einkum með það í huga hvort starfseminni fylgi umhverfisleg áhætta umfram það sem fram kemur í fyrirspurn Silicor Materials til Skipulagsstofnunar um matsskyldu framkvæmdarinnar.

Fram kemur í matinu að áhrif fyrirhugaðrar starfsemi á loftgæði og gæði yfirborðsvatns verði óveruleg, þar sem fyrst og fremst verði unnið að því að fullhreinsa hráefni sem er mjög hreint þegar það er tekið til vinnslu.