„Það töldu allir að málið væri afgreitt“

Björn Ingi Jónsson, bæjarstjóri sveitarfélagsins Hornafjarðar, taldi að Hornafjörður myndi tilheyra umdæmi lögreglustjórans á Suðurlandi.

„Það töldu allir að málið væri afgreitt,“ segir Björn sem komst að öðru þegar hann las um það á vef innanríkisráðuneytisins.

Í umfjöllun um mál þetta í Morgunblaðinu í dag furðar hann sig á því að það sé fyrst núna farið í úttekt á rekstrarforsendum lögreglunnar á Austurlandi og segir vinnubrögð ráðherra skrítin.