Borgin fargar húsgögnunum
Setja bókamerki
Reykjavíkurborg mun farga þeim húsgögnum sem framleiðandi Cassina-húsgagna hefur gert kröfu þar um og finna má í ráðhúsi Reykjavíkur. Þetta staðfestir borgarlögmaður í samtali við mbl.is. Borgin dregur ekki í efa fullyrðingar rétthafans um að sé að ræða eftirlíkingu af Cassina-húsgögnum.
Eins og fram kom á mbl.is fyrr í dag hefur framleiðandi húsgagnanna á Ítalíu farið fram á að eftirlíkingar af þeim sem finna má í ráðhúsi Reykjavíkur verði eytt og frumhönnun keypt í staðinn. Húsgögnin hafa verið í ráðhúsinu allt frá árinu 1992 þegar húsið var vígt og tekið í notkun.
Kristbjörg Stephensen borgarlögmaður segist ekki geta skýrt hvað hafi gerst þegar húsgögnin voru keypt en það hafi verið eftir opinbert ferli og annað verði ekki ráðið af gögnum málsins en að talið hafi verið að um samþykkt eintök hafi verið að ræða. Það hafi fyrst verið núna þegar krafa framleiðandans var sett fram að annað hafi komið í ljós.
Hún segir að Reykjavíkurborg muni ekki draga fullyrðingar framleiðandans í efa og að tekin hafi verið sú ákvörðun að farga húsgögnunum.
Engin ákvörðun hefur verið tekin um kaup á frumhönnuninni.
Frétt mbl.is: Borgin vitað lengi um eftirlíkingarnar
Solaris-söfnun óendurskoðuð
Ekki markmiðið að fara í verkfall
Lögðu hald á sex kíló af metamfetamíni
Faðir Dags gagnrýnir Kristrúnu
Móttöku framboða vegna alþingiskosninga lýkur í dag
Fátæk börn almennt verr stödd á öllum sviðum
Engar beiðnir um aðstoð við Íslendinga á flóðasvæðinu