„Við erum alltaf vel stemmd fyrir fundi þannig séð. Sáttasemjari hefur álitið það ástæðu til að boða til fundar sem er almennt jákvætt,“ segir Þor­björn Jóns­son, formaður Lækna­fé­lags Íslands. Boðað hefur verið til fundar í deilunni í dag klukkan 16 í húsi ríkissáttasemjara.

Síðasti fundur fór fram á mánudaginn í síðustu viku, en alls hafa verið haldnir um þrjátíu fundir í deilunni. 

„Við höfum verið að skoða fleti á því sem áður hefur verið rætt og sjá hvort við komumst eitthvað áfram með það. En það er of snemmt að segja til um það fyrr en eftir fundinn hvað kemur út úr því öllu saman,“ segir Þorbjörn um stöðu mála. 

At­kvæðagreiðslu LÍ um verk­falls­boðun lækna fyrstu þrjá mánuði árs­ins 2015 lauk fyrir rúmri viku síðan, en um 98% þeirra sem kusu samþykktu fyr­ir­hugaðar verk­fallsaðgerðir. Gert er ráð fyr­ir að þær hefj­ist þann 5. janú­ar næst­kom­andi ef samningar hafa ekki náðst fyrir þann tíma.

Tengdar fréttir

Læknadeilan

Fjölgun bendir til heimkomu lækna

• Draga uppsagnirnar til baka
• Grunnlaun eru 62,7% af meðaltekjum
• Meirihlutinn hættur við uppsögn
• Tveir læknar hafa dregið uppsagnir til baka

» Fleiri tengdar fréttir

• 1 blogg um fréttina

Bloggað um fréttina

• sleggjuhvellur: Læknar vilja meiri peninga