Engar undanþágur lengur með pinnið

Undanþága frá því að stimpla inn pinnnúmer við notkun greiðslukorta verður afnumin þann 19. janúar næstkomandi. Eftir það þurfa korthafar alltaf að staðfesta greiðslur með pinnnúmeri sínu. Notendur örgjörvalausra korta munu þó áfram skrifa undir greiðslukvittun eins og verið hefur.

Í tilkynningu kemur fram að til að forðast óþægindi sé mikilvægt að kortanotendur leggi númerið á minnið. Hægt er að nálgast pinnnúmer í netbönkum, öppum eða í því bankaútibúi sem kortið er gefið út í.

• 1 blogg um fréttina

Bloggað um fréttina

• Guðni Gíslason: Eigum að fá að velja pin númer