Raddir íslenskra lækna segja að ummæli Bjarna Benediktssonar fjármálaráðherra í hádegisfréttum RÚV hafi verið „lúaleg tilraun til að afvegaleiða og spilla samningaviðræðum“.

Þetta kemur fram í yfirlýsingu sem samtökin hafa sent frá sér.

Fram kemur, að læknar vilji koma því á framfæri varðandi ummæli fjármálaráðherra um birtingu krafna lækna að ríkissáttasemjari hafi ítrekað þau fyrirmæli sín á fundi í gær að samningsaðilar ættu ekki að tjá sig um kröfur eða tölur í fjölmiðlum og að slíkt hefði ekki jákvæð áhrif á samningsviðræður. 

„Minnum einnig á eftirfarandi: 

Samninganefnd lækna er ekki heimilt að ræða kröfur sínar eða tillögur SNR opinberlega skv. lögum um vinnudeilur en þar stendur í 25. gr.: 

• Samningsaðilum er skylt að sækja eða láta sækja samningafund sem sáttasemjari kveður þá til.
• Sáttafundi skal halda fyrir luktum dyrum.
• Á sáttafundi skal leggja fram eftirrit þeirra skjala sem farið hafa milli aðila í deilunni, enda hafi þau ekki verið send ríkissáttasemjara áður.
• Bannað er að skýra frá eða leiða vitni um umræður á sáttafundum og tillögur sem fram kunna að hafa verið bornar nema með samþykki beggja samningsaðila.

Læknar hafa virt þennan trúnað þó að fjármálaráðherra hafi kosið að gera það ekki,“ segir í yfirlýsingunni.

Tengdar fréttir

Læknadeilan

Fjölgun bendir til heimkomu lækna

• Draga uppsagnirnar til baka
• Grunnlaun eru 62,7% af meðaltekjum
• Meirihlutinn hættur við uppsögn
• Tveir læknar hafa dregið uppsagnir til baka

» Fleiri tengdar fréttir

• 3 blogg um fréttina

Bloggað um fréttina

• Elsabet Sigurðardóttir: læknum ber skylda að segja sannleikann skv. lögum
• Ómar Ragnarsson: Fyrirsjáanleg viðbrögð. Vonandi halda menn haus.
• Óskar Guðmundsson: Allt á haus