Beina kvörtunum á sigmundur.david@hvaderadfretta.is
Setja bókamerki
Bréf til viðskiptavina Máls og menningar hefur vakið nokkra athygli á Facebook. Í því eru viðskiptavinir beðnir um að sýna þolinmæði vegna vinnu við verðbreytingar sökum hækkunar á virðisaukaskatti á bókum.
Öllu áhugaverðari er þó klausan sem ríkisstjórnin fær í lok bréfsins. Þar mótmælir starfsfólk Máls og menningar hækkun virðisaukaskatts ábókum með því að benda viðskiptavinum á að koma athugasemdum sínum á framfæri á netföngin sigmundur.david@hvaderadfretta.is, bjarni.ben@ihaldid.is og vanhaefrikisstjorn@althingi.is.
Svona hljómar bréfið í heild sinni:
Ágætu viðskiptavinir.
Þann 1. janúar tók gildi breyting á virðisaukaskatti sem felur í sér að virðisauki á bókum hækkar úr 7% í 11%. Verið er að vinna að verðbreytingum innanhúss en sem stendur eru margar bækur enn verðmerktar á lægra verði en þær eru á afgreiðslukössum. Við vonumst til að klára verðbreytingar fljótt og örugglega en eins og gefur að skilja getur það tekið nokkurn tíma. Við biðjum því ykkur að sýna þolinmæði og skilning á meðan verkið er unnið.
Öllum athugasemdum má koma á framfæri á eftirfarandi netföng:
sigmundur.david@hvaderadfretta.is
bjarni.ben@ihaldid.is
vanhaefrikisstjorn@althingi.is
Kær kveðja,
Starfsfólk Bókabúðar Máls og menningar.
Skoða hvort Hvalur 8 og 9 geti hitað upp Suðurnes
Sleginn yfir grófri framkomu gegn fjölskyldunni
„Allt í rusli“ við brúargerð á Vestfjörðum
Vandræði með vatn í Bolungarvík
Komu fólki til aðstoðar í Ísafjarðardjúpi
Traust til kvenleiðtoga fer minnkandi
Slasað barn fær ekki styrk vegna leigu á hjólastól