Fundað verður í kjaradeilu lækna og ríkisins klukkan 13 í dag í húsakynnum ríkissáttasemjara. Síðasta fundi var slitið á tólfta tímanum í gær, tíu klukkustundum eftir að hann hófst. Þar sem samningar hafa enn ekki náðst standa verkfallsaðgerðir áfram yfir í dag.

„Þetta hef­ur gengið upp og ofan, get­ur maður sagt. Það eru ákveðin atriði sem hafa skýrst og önn­ur á móti orðið flókn­ari,“ sagði Gunn­ar Björns­son, formaður samn­inga­nefnd­ar rík­is­ins, síðdeg­is í gær um gang viðræðna í kjara­deil­unni. Gunn­ar sagði mörg atriði þegar hafa verið af­greidd en tveir stærstu póst­arn­ir væru eft­ir – launaþátt­ur­inn og vinnu­fyr­ir­komu­lagið.

Sig­ur­veig Pét­urs­dótt­ir, formaður samn­inga­nefnd­ar lækna, tók í sama streng og Gunn­ar og sagði þónokkuð standa út af en unnið væri hörðum hönd­um að því að ná sam­an. „Það er búið að vinna mikla vinnu en það eru mik­il­væg mál eft­ir,“ sagði Sig­ur­veig.

Neyðarmönn­un var á aðgerðasviði og flæðis­sviði Land­spít­al­ans í gær. Leitað var eft­ir und­anþágum fyr­ir sér­hæft starfs­fólk í sér­stök­um til­vik­um og feng­ust þær.

Í dag standa verk­fallsaðgerðir yfir á eft­ir­far­andi stofn­un­um:

• Aðgerðasviði Land­spít­ala
• Flæðis­sviði Land­spít­ala
• Sjúkra­trygg­ing­um Íslands
• Trygg­inga­stofn­un rík­is­ins
• Grein­ing­ar­stöð rík­is­ins
• Heyrn­ar- og tal­meina­stöð Íslands
• Vinnu­eft­ir­liti rík­is­ins
• Lyfja­stofn­un Íslands
• Embætti land­lækn­is
• Þjón­ustu- og þekk­ing­armiðstöð fyr­ir blinda, sjónskerta og dauf­blinda ein­stak­linga

Tengdar fréttir

Læknadeilan

Fjölgun bendir til heimkomu lækna

• Draga uppsagnirnar til baka
• Grunnlaun eru 62,7% af meðaltekjum
• Meirihlutinn hættur við uppsögn
• Tveir læknar hafa dregið uppsagnir til baka

» Fleiri tengdar fréttir

• 1 blogg um fréttina

Bloggað um fréttina

• Haraldur Haraldsson: Fundað áfram í læknadeilunni í dag/Nei það er ekki talað …