Þingmaður Framsóknarflokksins óttast að nýundirritaður kjarasamningur lækna sé upphaf endalokanna þegar komi að þeim efnahagslega stöðugleika sem ríkt hafi undanfarið ár. Fleiri stéttir eigi eftir að fylgja á eftir og verðbólgan fara af stað með tilheyrandi hækkun á lánum landsmanna. 

„Í sjálfu sér má fagna því að samningar skuli hafa náðst í læknadeilunni, enda óþolandi staða gagnvart mörgum sjúklingum. Tel þó að þessir samningar muni marka upphaf endalokanna hvað varðar þann stöðugleika sem hefur ríkt undanfarið ár. Fleiri stéttir munu fylgja á eftir, verðbólga fer á stað og lán landsmanna taka ný stökk upp á við. Við munum sjá gamalkunnugt stef víxlverkunar launahækkana og verðbólgu og það verður almenningur sem situr eftir með sárt ennið. Það er því best að fara sér hægt í óbærilegri kæti og léttleika,“ segir Karl Garðarsson, þingmaður Framsóknarflokksins, á Facebook-síðu sinni í dag.

Tengdar fréttir

Læknadeilan

Fjölgun bendir til heimkomu lækna

• Draga uppsagnirnar til baka
• Grunnlaun eru 62,7% af meðaltekjum
• Meirihlutinn hættur við uppsögn
• Tveir læknar hafa dregið uppsagnir til baka

» Fleiri tengdar fréttir

• 2 blogg um fréttina

Bloggað um fréttina

• Ómar Geirsson: Eru ekki bara bjánar í Sjálfstæðisflokknum??
• Guðmundur Ásgeirsson: Launahækkanir valda ekki verðbólgu