Ríkið rannsaki ekki fólk á grundvelli trúarskoðana

Unnur Brá Konráðsdóttir, þingmaður Sjálfstæðisflokksins, segir að í opnu og lýðræðislegu samfélagi, sem standi vörð um mannréttindi, séu einstaklingar ekki rannsakaðir sérstaklega af hálfu ríkissins á grundvelli trúarskoðana.

Þetta kemur fram í færslu sem Unnur Brá skrifar á Facebooksíðu sína í tengslum við ummæli sem samflokksmaður hennar, Ásmundur Friðriksson, lét falla í dag í tengslum við voðaverkin í París. Hann sagði að það þyrfti að rannsaka bakgrunn allra múslima á Íslandi og kanna hvort þeir hefðu farið í þjálfunarbúðir hryðjuverkamanna.

„Opið og lýðræðislegt samfélag sem stendur vörð um mannréttindi allra óháð skoðunum, efnahag, kyni og þjóðfélagsstöðu er samfélag sem ég tel farsælast að byggja upp. Í slíku samfélagi eru einstaklingar ekki rannsakaðir sérstaklega af hálfu ríkisins á grundvelli trúarskoðana,“ skrifar Unnur Brá.

• 3 blogg um fréttina

Bloggað um fréttina

• Arnþór Helgason: Vægðarlaus forheimskum
• Mofi: Fáfræði íslendinga um trúmál er vandamál
• Haraldur Haraldsson: Ríkið rannsaki ekki fólk á grundvelli trúarskoðana//Nei fleira gott mætti …