Skemmdu minnisvarða um Helga Hóseasson
Setja bókamerki
Spellvirkjar hafa lagt leið sína um Langholtsveg í dag þar sem búið er að eyðileggja minnisvarða sem settur var upp til heiðurs hins landsþekkta mótmælanda Helga Hóseassyni. Minnisvarðinn er bekkur með áföstu skilti sem ber eitt af þekktustu slagorðum Helga. Skiltið hefur hins vegar verið brotið.
Helgi var þekktur fyrir mótmæli sín allt frá árinu 1962 gegn meintu órétti sem honum finnst hann hafa verið beittur af íslenska ríkinu allt frá því að hann fæddist. Í seinni tíð mótmælti hann einnig stuðningi Íslensks ríkisvalds við stríð og ójöfnuð.
Helgi lést 6. september 2009 og í ágúst 2010 var minnisvarðinn settur upp. Var um að ræða einkaframtak fjögurra manna sem vildu með þessu heiðra minningu Helga. Í næstum fjögur og hálft ár fékk minnisvarðinn því að standa óáreittur á Langholtsvegi þar sem Helgi stóð jafnan með mótmælaspjöld sín.
Vegirnir voru eins og borðstofuborð
Flestir sem hvergi finnast koma frá Sómalíu
Í kappi við tímann að reyna að afstýra verkfalli
Ökumaður í símanum valdur að umferðarslysi
Pútín reynir allt til að forðast aðra herkvaðningu
50 milljónir eiga að minnka svindl um 1 milljarð
Varnargarðar hækkaðir um 3 til 4 metra