Minna skilar meiru

Launahækkun upp á 3,5% á ári næstu þrjú árin myndi auka ráðstöfunartekjur heimilanna meira en ef launahækkun lækna gengi yfir línuna.

Þetta sýna niðurstöður sviðsmynda í samanburði Samtaka atvinnulífsins. Kaupmáttur launa myndi aukast um 4% á þremur árum við 3,5% árlegar launahækkanir. 30% launahækkun, í takti við það sem læknar sömdu um, myndi hins vegar ganga að mestu leyti til baka í gengisfalli og aukinni verðbólgu og kaupmáttur launa myndi aðeins aukast um 2%.

Í umfjöllun um mál þetta í Morgunblaðinu í dag segir Þorsteinn Víglundsson, framkvæmdastjóri SA, að þetta sé í samræmi við útreikninga Seðlabankans fyrir síðustu kjarasamninga.