Haraldur Sigurðsson eldfjallafræðingur segir að gosinu í Holuhrauni ljúki í byrjun mars á þessu ári, 160 dögum eftir að mælingar hófust. Þetta kemur fram í færslu á bloggsíðu hans en þar má sjá línurit sem sýnir sig Bárðarbungu frá upphafi. 

Þar kemur fram að sigið hafi verið reglulegt frá upphafi og telur Haraldur að línan verði orðin lárétt, þ.e. að sig hætti, í mars. 

„Þá er líklegt að gosinu ljúki því að þrýstingur í kvikuþrónni verður kominn í jafnvægi. Bláu punktarnir eru allir af athugunum á siginu, nema síðasti punkturinn við dag 160, sem ég leyfi mér að setja inn sem líkleg goslok í mars,“ skrifar Haraldur. 

Tengdar fréttir

Bárðarbunga

Líklega kvikusöfnun á miklu dýpi

• Skjálftar í Bárðarbungu
• Bárðarbunga skelfur
• Vatnajökull skelfur
• Nema landris umhverfis öflugustu eldstöð landsins

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Rímar við nýleg ummæli hér á síðunni.