Á þessu ári verða hátt í 200 kjarasamningar lausir á vinnumarkaðnum, flestir í lok febrúar og síðan apríl. Það stefnir því í mikið annríki hjá sáttasemjara í Karphúsinu.

Lítið sáttahljóð er í viðsemjendum og fari allt á versta veg í kjaraviðræðum gætu fyrstu verkföll skollið á um miðjan marsmánuð, miðað við gildandi viðræðuáætlanir.

Í fréttaskýringu um kjaramálin í Morgunblaðinu í dag segir Friðbert Traustason, framkvæmdastjóri Samtaka starfsmanna fjármálafyrirtækja, að áhugi sé fyrir hendi á að semja um styttri vinnuviku í komandi viðræðum. Vel komi til greina að krefjast þess að hver vinnudagur bankamanna verði styttur um hálftíma.

Tengdar fréttir

Kjaraviðræður

Samið um 3,5% launahækkun

• Læknar samþykkja nýjan kjarasamning
• Virðing reyni að blekkja almenning og fjölmiðla
• Of snemmt að spá fyrir um hvort samningar náist
• Segja kjarasamninginn andstæðan lögum

» Fleiri tengdar fréttir