Ófærð og eldur í eyðibýli

Björgunarsveitir frá Varmahlíð og Sauðárkróki eru nú að aðstoða vegfarendur sem eru í vanda á Öxnadalsheiði sem nú er búið að loka vegna slæms veðurs og ófærðar. Vart sést út úr augum í Bakkaselsbrekkunni og er ekkert ferðaveður. Einnig er vegurinn um Vatnsskarð lokaður.

Björgunarsveitin Bára á Djúpavogi hefur einnig verið kölluð út til aðstoðar slökkviliði eftir að eldur kom upp á eyðibýlinu Steinaborg.

Ernir á Bolungarvík lokaði veginum yfir Sandana í samráði við Vegagerðina. Þar er slæmt veður og mikil hálka. Búið er að hálkuverja veginn og opna fyrir umferð aftur.

Fyrr í dag fór svo Björgunarsveitin Árborg í óveðursútkall en tilkynnt var um gróðuhús sem var að fjúka á hliðina við Norðurbraut. Tók það níu björgunarmenn rúma klukkustund að leysa málið.

Frétt mbl.is: Fimm bíla árekstur í Vatnsskarði.

Frétt mbl.is: Lokað á Öxnadalsheiði og Vatnsskarði 

• 1 blogg um fréttina

Bloggað um fréttina

• Haraldur Haraldsson: Lögregla á ekki að fá meiri völd ,en hún hefur …