Þýðendur harma orð Sigrúnar

Stjórn Banda­lags þýðenda og túlka furðar sig á um­mæl­um Sigrún­ar Magnús­dótt­ur, um­hverf­is­ráðherra, sem höfð eru eft­ir henni í Frétta­blaðinu í dag. Þar sagði hún að nota ætti „mild­ara orðalag við þýðingu Evr­ópu­til­skip­ana“. Þýðend­ur segja vegið að heiðri og fag­mennsku þeirra þýðenda sem starfa fyr­ir Þýðinga­miðstöð Ut­an­rík­is­ráðuneyt­is­ins.

„Þýðing á til­skip­un­um, reglu­gerðum og reynd­ar öll­um texta sem hef­ur laga­legt gildi er gríðarleg ná­kvæmn­is­vinna þar sem frjáls­leg túlk­un á ekk­ert er­indi. Stjórn ÞOT bend­ir á að hug­taka­notk­un og mál­far í EES-gerðum bygg­ist ekki á geðþótta­ákvörðunum þýðanda eða annarra hverju sinni held­ur hug­taka­grunni sem hef­ur verið byggður upp af mikl­um metnaði í nokkra ára­tugi og kostað þrot­lausa vinnu. Gæðaeft­ir­lit Þýðinga­miðstöðvar­inn­ar er rómað og þeir þýðend­ur sem hafa sér­hæft sig í þess­um vanda­sömu þýðing­um eiga heiður skilið en ekki hnút­ur frá ráðherra í rík­is­stjórn Íslands,“ seg­ir í álykt­un stjórn­ar ÞOT.

Þá harm­ar stjórn Banda­lags þýðenda og túlka það van­mat á störf­um þýðenda sem fram komi í orðum Sigrún­ar og lýs­ir yfir full­um stuðningi við Þýðinga­miðstöð Ut­an­rík­is­ráðuneyt­is­ins og starfs­fólk henn­ar.

• 7 blogg um frétt­ina

Bloggað um frétt­ina

• Heims­sýn: Liggja Íslend­ing­ar hund­flat­ir gagn­vart EES-til­skip­un­um?
• sleggju­hvell­ur: Auðvelt að af­nema regl­ur
• Jón Ingi Cæs­ars­son: Fram­sókn og stjórn­mál 102.
• Páll Vil­hjálms­son: Sigrún hef­ur rétt fyr­ir sér, pró­fess­or og þýðend­ur rangt
• Geir Ágústs­son: Rétt­mæt gagn­rýni, en ...
• Njörður Helga­son: Hal­lesta­dfroen og Frosti ósátt við alþjóðasamn­inga.
• Ómar Ragn­ars­son: Þetta yrði ný­lunda á mörg­um sviðum.