Gekk í stubbabúningi í góðgerðarskyni

Árleg Góðgerðarvika Verzlunarskóla Íslands stendur nú yfir, en þá stendur góðgerðarráð skólans fyrir ýmsum fjáröflunum til styrktar ABC barnahjálpar. Vignir Heiðarsson fékk þá áskorun að ganga frá Mosfellsbæ að Verzlunarskólanum í stubbabúningi, og hittum við á hann á leiðinni þar sem hann var veðurbarinn en hinn hressasti. 

Góðgerðarráð Verzlunarskólans ákvað í ár að halda áfram samstarfi við ABC barnahjálp við áframhaldandi viðhald og stuðning við lítið skólaþorp í Úganda. Fyrir áramót hafði nefndin hjálpað við byggingu á grunnskóla í Kenýa og þá hefur verið ákveðið að gefa hagnaðinn af stökum sölum til stofnanna hér á landi. Fjöldi áheita barst í vikunni, og hefur fjáröflunin gengið vonum framar að sögn nefndarmeðlima ráðsins sem segja hátt í milljón hafa safnast.

• 1 blogg um fréttina

Bloggað um fréttina

• Wilhelm Emilsson: Tínkí-vínkí