Hóteli á Skógum frestað í skipulagsnefnd

Ákveðið var á fundi skipulagsnefndar Rangárþings eystra í gær að fresta byggingu nýs hótels á Skógum.

Mikil andstaða hefur verið á meðal íbúa svæðisins við fyrirhugaða staðsetningu hótelsins.

Bókun skipulagsnefndar um frestun og endurskoðun deiliskipulagstillögu á hluta jarðarinnar Ytri-Skóga kvað á um að mikilvægt væri að skipulagsmál Skóga yrðu skoðuð í stærra samhengi, að því er fram kemur í Morgunblaðinu í dag.