Kvikuflæði mögulega lokið
Setja bókamerki
Engin glóð sást á gosstöðvunum í Holuhrauni þegar flogið var í þyrlu yfir svæðið í dag. Á vefsvæði Veðurstofu Íslands segir að svo virðist sem kvikuflæði sé lokið. Ný og heit kvika kemur því ekki lengur upp um gíga í Holuhrauni. Gasmengun berst þó enn frá gosstöðvunum.
Áfram hefur dregið úr skjálftavirkni í Bárðarbungu og ekki mælst skjálfti yfir M3 að stærð síðan 21. febrúar og ekki yfir M5 að stærð síðan 8. janúar.
GPS mælingar við Vatnajökul sýna áframhaldandi hægar færslur í átt að Bárðarbungu, sem benda til þess að kvika flæði enn undan Bárðarbungu. Sig öskjunnar í síðustu viku var um 5 cm á dag, að teknu tilliti til ísskriðs inn að miðju öskjunnar.
Of snemmt er að segja til um hvort gosinu sé lokið. Vísindamannaráð almannavarna kemur saman til fundar í fyrramálið til að fara yfir gögn og leggja mat á framhaldið.
Segir að verið sé að svindla á Bandaríkjunum
Forstjóri bendir á ábyrgð birgja vegna verðhækkana
Ók á hóp fólks á jólamarkaði: Einn látinn
„Mér finnst gamla Samfylkingin komin aftur“
„Þetta er ríkisstjórn almannahagsmuna“
Fyrsti blaðamannafundurinn í heild sinni
Skattamál verði líklega „þeirra mesta klemma“
